Leef Luu,

Ut begin woor op eine duustere moanjigaovendj in December.
Zowie gebroekelik zoewe ein paar leeje van os weer get sjtumming motte goan bringe oppe joarlikse bontje aovendj van Sjutterie St. Petrus en Paulus oet Zöstere. ( Dea bontje aovendj bestuit helaas auch al neet meer )

Die haeje os noa veul gezeur weer zo gek gekreage om get te verzinne in ein parodievorm.
Natuurlik werde bie ein van die aovendje auch ein gleaske beer getap en gedronke. Op ein augenblik koom Sven mit 't idee om eine carnavalswage te gaon boewe en mit deil te numme aan d'n optoch in Zöstere. Doordet 't beer al flink gevloeidj heij woort dit idee door ein jeder mit luidj applaus ontjvange.

Allein heaf het inmiddels twieë joar gedoerd veurdet der eindelik get oppe rulkes gezat wurd. Moos natuurlik toch eine zeen waat de kar zoe gaon trékke en 't hele gebeure opzich zoe gaon numme. Mer noe weer eindelik get vorm beginne te kriege en get leeje hubbe kump het langzaam allemoal good.
Ein bouwplaatsj en veul fieesjes, materiaal en ein paar gemotieveerdje luuj des alles waat dees carnavalsgroep maak tot C.V. Óntsjpoard.
Ut is allemoal nog pril, mer geluif os: “Het wurdtj veurtaan weer knalle in de optoch van Zöstere e.o.”
Allein wie koome die menkes en wiefkes noe aan dea sjoane naam Óntsjpoard. Tsja det ging allemoal via ein “echte” verkeezing. D'r woore door get veuraanstoande menner get name bie ein gesjraveldj en doa koom via dea mail ein lies woorop dien stum oetgebrag koos weare.

Nou noa veul tellen en weer ein aantal putjes beer koom C.V. Óntsjpoard der oet es winnaar. Deze naam waor door Tom ingebrach, dus deze gelökkige jong heat toch mer fijn gezurgd veur eine nuuje naam in de vastelaoveswereld in Zöstere.
Mer woorom dea naam?? Heel eenvoudig!!